Usewumdlali weStellenbosch FC owayengukapteni we-reserve team kwiKaizer Chiefs, u-Omega Mdaka.
UMdaka (20) unqanyulelwe inkontileka kwiChiefs ngo-Octover ngonyaka odlule kulandela ukunqaba ukuba wuball boy komunye umdlalo. Akaxoshwangwa yedwa njengoba iChiefs yadedela nomdlali osevutha bhe kwiTS Galaxy uPuso Dithejane.
IStellies iqinisa isikwati kulezi nsuku njengoba isivele isayinise uSanele Barns kwiRichards Bay FC noLehlohonolo Mojela kwiTS Galaxy.
Ngokwemibiko yakamuva, iStellies isilande uMdaka ukuthi azolekelela umdlali oyibamba kuleft back, uFawaaz Basedien, okungenzeka ahambe njengoba efunwa amaqembu amakhulu aseGauteng.