Iqembu elibangwa nezibi ezembeni kwiDStv Premiership, iCape Town Spurs, selimemezele u-Ernst Middendorp njengomqeqeshi omusha.
UMiddendorp umenyezelwe yiSpurs namhlanje esithangamini nabezindaba. Uzothatha izintambo kuSean Connor obebambile kulandela ukuxoshwa kukaSean Bartlett.
UMazinyo ugcine ugcine ukuqeqesha kuleli ngonyaka odlule kade epheka iMoroka Swallows. Ufike wahluleka wancama kwiSV Meppen eGermany. Usuke eGermany waya eTanzania kwiSiginda Fountain Gate FC, akaqedanga ngisho inyanga kuyo.
KwiDStv Premiership uzohlalelwa wumqansa wokususa iqembu elisawine kanye kule sizini ezembeni.