Iqembu ebeliphekwa wuPitso Mosimane eSaudi Arabia, i-Al Ahli, kubikwa ukuthi lizimisele ngokusayinisa umdlali weManchester City uRiyad Mahrez.
Ngokwemibiko evela eSaudi Arabia kunethimba labaphathi be-Al Ahli elivakashele e-UK ukuze lihlangane nabamele lo mdlali baxoxe ngokumletha ezweni osekudlala kulo uRonaldo noBenzema.
UMahrez (32) unqobe iChampions League neMan City kule sizini, okuwumqhudelwano osekuneminyaka befisa ukuwunqoba.
Kungenzeka abuke iminyaka yakhe aqoke ukuyoyikha ngamafosholo okwangempela eSaudi. Ngokwemibiko leli qembu ebelibuye lihluleke ukukhokhela uPitso umholo wakhe kule sizini, lizimisele ukumnikeza u-£85.6million namabhonasi ngaphezulu.
Khonamanjalo kubikwa ukuthi leli qembu lisathungatha umqeqeshi kumaligi amakhulu ase-Europe ngaphambi kwesizini ka-2023/2024 kwiSaudi Pro League.