Sekuvaliwe ukuvota kwabalandeli ngaphambi kwemidlalo yeCarling Black Label Cup ezodlalwa ngoMgqibelo. Isemi-final yokuqala (Mamelodi Sundowns vs AmaZulu) izodlala ngo-9.30 ekuseni, eyesibilu (Kaizer Chiefs vs Orlando Pirates) izodlala ngo-12. Yonke imdlalo izodlalelwa eFNB Stadium.
Kaizer Chiefs XI
Ukungabibikho kuka-Itumeleng Khune kwiKaizer Chiefs kunikeze uBrandon Petersen elinye ithuba lokuthu aziveze njengonozinti waMakhosi. U-Eric Mathoho uthole uzothola ithuba lokuqala umdlalo kule sizini.
Orlando Pirates XI
Uma egcina engabizwanga esikwatini seNdebe yoMhlaba uRichard Ofori uzowuqala umdlalo wangomgqibelo. Abadlali asebejwayele ukweqiwa yijezi uBen Motshwari noFortune Makaringe nabo bazothola ithuba lokukhombisa umqeqeshi uJose Riveiro abakwazi ukukwenza uma beqala umdlalo.
Mamelodi Sundowns XI
Abalandeli beMamelodi Sundowns abaqokanga iline up ehluke kakhulu nesivame ukukubona. Indawo engase ibe yinkinga eye-left back njengoba kuqokwe uThapelo Morena noKhuliso Mudau. Phambili njengoba bekulindekelekile baqoke uCassius Mailula noThabiso Kutumela, njengoba engekho uPeter Shalulile.
AmaZulu XI
Nabalandeli baMaZulu abaqokanga iqembu elihluke kakhulu kwesivame ukukubona ngaphansi kwesandla sikaFohloza.
