Injini yeBafana Bafana uTebogo Mokoena uthi bafisa ukwenza kangcono kunesikwati sango-2019 esaphuma kuma-quarterfinals kwi-AFCON eyayibanjelwe e-Egypt.
IBafana yayingekho kwi-AFCON eyayibanjelwe eCameroon ngo-2021, selokhu yagcina lomqhudelwano ngo-2019.
INingizimu Afrika yayifihle induku emqubeni ngo-2019 njengoba yakwazi ukufinyelela kuma-quarterfinals ngemuva kokuhlula osokhaya iGibhithe kwi-last 16.
UMokoena uqokwe njengomdlali ovelele ngesikhathi ezakhe zihlula iMorocco ngo 2-0 kwi-last 16.
UMokoena uthe iNingizimu Afrika ilambele ukuqhubekela phambili kulomqhudelwano.
“Sizocijela umdlalo ngamunye ngoba lomqhudelwano unezimanga, zonke izimfivilithi sezikhishiwe.
Wonke amaqembu amakhulu ngokukleliswa e-Afrika asephumile. Sekufanele sizenzele umsebenzi wokuthatha lendebe. Safinyelela kuma-quarterfinals ngo-2019. Ukufinyelela kuma-quarterfinals akusithusi neze.
Kudingeka sikhuphule izinga, sibeke iqembu lesizwe endaweni engcono. Sihlele ukukhuphula iqembu lesizwe,” kuchaza uMokoena ekhuluma nabezindaba.