Umgadli weKaizer Chiefs omusha uBonfils-Caleb Bimenyimana uthi angeke abeke izethembiso eziningi kodwa ufuna ukudlala ibhola elinenkosi phakathi, adlule amazinga abekwa abagadli asebashiya uCollins Mbesuma noKnowledge Musona.
UMbesuma noMusona bayahlonishwa eNaturena ngamagalelo abo okubhakuzisa inethi kumasizini abawahlale kuleliqembu.
UBimenyimana ukhulume nabeFARPost engxoxweni ekhethekile, wakubeka obala ukuthi ufuna ukwenza kangcono kunoMusona noMbesuma.
“Angifuni ukuthembisa amagolide namadayimane kodwa ngizosebenza kanzima, ngiqinisekise ukuthi ngishiya umlando njengoMusona noMbesuma. Ngiyakwazi okulindelwe kimi, ukuzimisela nokugcina ifomu enhle yikhona okuzongibeka phezulu,” kubeka uBimenyimana.
UBimenyimana usayine inkontileka yeminyaka emibili, enombandela wokwelulwa ngonyaka owodwa.