Uyabuya umqhudelwano odlalwa usuku olulodwa iMacufe Cup.
Abahleli balomcimbi bagcina ukuwusingatha ngonyaka ka-2019, kungakahlaseli ubhubhane lwesifo iCovid-19.
Ngokomthombo oxhumane neGibela Sport, abahleli bomcimbi baqale bancenga iMamelodi Sundowns kanye neKaizer Chiefs ukuba bagijimisane kulomdlalo.
ISundowns inqabile ukudlala, bagcine bedlulele kwiRoyal AM evumile ukubhekana neChiefs kwiMacufe.
Lomdlalo ubujwayele ukudlalwa iKaizer Chiefs neBloemfontein Celtic eminyakeni eyedlule kodwa lokho sekuyiphupho njengoba iPhunya Sele Sele seyidayisiwe.