Isibabuli seMamelodi Sundowns uThemba Zwane uthi abazinaki nakancane izindaba ezithinta izimbangi i-Orlando Pirates neKaizer Chiefs ngoba bafuna ukuqhubeka nokuzimisela njalo ngesizini.
Ebuzwa ngengcindezi abayifakelwa izinkunzi zaseGauteng, uZwane ubeke kanje:
“Sigxila kulokho esikwenzayo siyiqembu ngoba sifuna ukwenza kangcono uma kuqala isizini entsha. Okwenzeka kwamanye amaqembu akuhlangene nathi.
Sifuna ukuzimisela kakhulu, senze kangcono uma kuqala enye isizini. Okwenzeka kwamanye asikunaki thina,” kubeka uZwane.
Ngesizini ephelile, uMshishi uqokwe njengomdlali wasesiswini ovelele kwiligi. Lendondo ubeyivikela njengoba eyinqobile ngesizini ka-2020/21.
ISundowns isabhekene nobunzima kwiligi njengoba ilandela ngemuva kuMaZulu ahleli esicongweni seDSTV Premiership.
ISundowns izobhekana neSuperSport United kwiligi namuhla ebusuku.