Umqeqeshi we-Orlando Pirates uJose Riveiro uthi wenelisekile ngesikwati sakhe, akasiboni isidingo sokwengeza ngabanye abadlali.
URiveiro ubekhuluma nabezindaba namuhla eRand Stadium.
“Mina nginake abadlali esinabo esikwatini. Kunethalente eliyisimanga, abadlali abanebhola elingafani. Ngiyakwazi ukuthi uqhamuka kephi lombuzo. Lemibuzo izoshabalala ngelinye ilanga.
Angimazi lomdlali okhuluma ngaye (Percy Tau). Anginandaba naye okwamanje,” kubeka uRiveiro.
IBucs ithwele kanzima phambi kwamapali njengoba isishaye amagoli amane kuphela emidlalweni eyisikhombisa. Abagadli bayo uBienvenu Eva Nga noZakhele Lepasa bageke oqekelele bamathuba emidlalweni edlule.