UDumisani Zuma usezitholele ikhaya elisha kuMaZulu ngemuva kokuchithwa iKaizer Chiefs.

Imenenja kaZuma uBasia Michaels iqinisekise ukuthi lomdlali usayine inkontileka yeminyaka emine oSuthwini.

UZuma, obesalelwe unyaka owodwa kwinkontileka neqembu, ungomunye wabadlali abangu-9 abadedeliwe ngesonto eledlule.

UMengameli waMaZulu uSandile Zungu kusale kancane aqinisekise ukusayina kukaZuma ngesonto eledlule ekhuluma no-Andile Ncube ohlelweni lweSports Nights Amplified.

UMichaels udalule kanje ekhuluma nabeSABC Sport namuhla.

“UZuma usesayine kuMaZulu, sekuqediwe. Siqede inkulumo ngoMsombuluko. Usayine inkontileka yeminyaka emine, yilokho okucacile,” kubeka uMichaels.