Umdlali weManchester City uBenjamin Mendy ume phambi kwenkantolo, waziphika izinsolo zokudlwengula ezingu-9 abamethwese zona.
UMendy ubevele eNkantolo yaseChester Crown ngoMsombuluko, ezoziphendulela ngamacala asolwa ngawo.
UMendy (27) uphike izinsolo zokudlwengula eziyisikhombisa, icala lokunukubeza ngokocansi nelinye lokuzama ukudlwengula.
Lomdlali ubekwe lamacala kulandela ukuvela kwezinsolo ezaziqhamuka kwabesifazane abayisithupha. Abagilwa bathi lamacala enzeka kusukela ngo-Okthoba wango-2018 kuya kuya ku-Agasti 2021.
UMendy uzoqala ukuqula icala ngomhlaka 25 kuJulayi. Ubegcinwe esitokisini ngo-Agasti, wakhishwa ngebheyili ngoJanuary.
Wamiswa ekuzilolongeni yiqembu lakhe iCity sekuvumbuke izinsolo zokudlwengula ezine, waphinde wasolwa ngokunukubeza ngokocansi ezinyangeni ezingu-9 ezedlule.
Omunye osolwayo uLouis Saha Mattuire uvelile eNkantolo yaseChester Crown ngoMsombuluko, waziphika izinsolo ezingu-8 zokudlwengula nezine ezokunukubeza ngokocansi athweswe zona.