Kubikwa ukuthi uzoqhubeka yedwa nomsebenzi wokupheka AmaZulu FC u-Arthur Zwane kulandela ukushiya kukaVusumuzi ‘Kanu’ Vilakazi abebambisene naye.
Ngokombiko we-iDiski Times, Usuthu luhlela ukuqhubeka no-10111 yedwa kulo msebenzi nakuba iqembu belenza kahle ebambisene noKanu.
Ezinyangeni eziyisithupha uKanu usesebenze emaqenjini amathathu okubalwa kuwo iGolden Arrows, Chippa United neRichards Bay FC ahlukane nayo ekuqaleni kwesizini ukuze ajoyine Usuthu.
Noma umbiko we-iDiski Times ukuveza ukuthi lo mqeqeshi ubekhona ngoMsombuluko kwitraining, akuveli ukuthi ngabe uxoshiwe noma nguyena othathe isinqumo sokuyobheka amadlelo aluhlaza kwenye indawo.
AmaZulu abukeka esefomini enhle ukuqeda kwi-top 8 kule sizini.
NgeSonto azobhekana neCape Town City eKing Zwelithini Stadium.