USibusiso Vilakazi uthi usekulindele ngabomvu ukubhekana neMamelodi Sundowns emchithile ngenyanga eyedlule.
IGalaxy izobhekana neSundowns emdlalweni weDSTV Premiership ngoLwesithathu.
“Kuzoba nzima ukudlala neSundowns, angeke sidlale ibhola elifana nelabo kodwa sizozama ukuyifakela ingcindezi. Umdlalo uzosilungela uma sizokwazi ukusebenzisa amathuba esizowathola,” kubeka uVilakazi ekhuluma nabezindaba.
IGalaxy idlale ngokulingana emdlalweni wokuqala weligi bebhekene naMaZulu. ISundowns yona inqobe ngo 2-0 ibhekene neCape Town City eDHL Stadium.
“Umdlalo uzoba nzima kakhulu, ngizophathwa yikhanda ngoba ngibuya khona kwiSundowns, ngiyalazi ibhola abalidlalayo. Ngiwulindele umdlalo,” kuchaza uVilakazi.