IKaizer Chiefs isimemezele uGaston Sirino njengomdlali wayo omusha, yaqinisekisa ukuthi lo mdlali usayine inkontileka yeminyaka emibili.
Amakhosi amemezele lezi zindaba ngoMgqibelo ntambama kwazise kule mpelasonto awanamdlalo njengoba ezinye izingane zidlala kwiMTN 8.
Ukusayiniswa kukaSirino kwenzeke ngokushesha kuleli sonto kulandela isibhaxu esitholwe yiChiefs kwiYoung Africans SC kwiToyota Cup ngempelasonto edlule.
USirino ungumdlali wesithathu osayiniswe yiChiefs kuleli windi njengoba iqale ngoBongani Sam emthathe kwi-Orlando Pirates, yalandela ngoRushwin Dortley olandwe kwiCape Town Spurs.
Ngokwenkulumo kaNabi kuleli sonto, kuseyisiqalo lesi njengoba eveze ukuthi badinga ukuqinisa emuva, esiswini naphambili.