Umqeqeshi weWydad Athletic Club uRulani Mokwena uthi angakujabulela ukuphinda asebenzisane noBongani Zungu olokhu emataniswe njalo naleliqembu.
URulani noZungu bashiye kwiMamelodi Sundowns ngaphambi kokuqalwa kwamalungiselelo esizini ka-2024-25.
UZungu usedelwe ngemuva kokuphelelwa yinkontileka ebimbandela wokwelula ngenye isizini.
URulani, owaxoshelwa ukuhluleka ukufeza imibandela ayeyibekelwe kwiDowns, uthi usengathanda ukusebenza noZungu.
“Ngiyamthanda uBongs. Sinobudlelwano obusondelene. Kulula ukusebenzisana uma ninomlando wokusebenza ndawonye. Kungenzeka asayine eqenjini (Wydad). Angisho ukuthi umnyango uvuliwe kodwa likhona ithuba lokumsayinisa.
“Uzongithinta kwinombolo yami yocingo uma engalitholi iqembu. Ungumuntu oyisipesheli kimi,” kubeka uRulani ekhuluma noThabo Mosia weRadio 2000.