Umqeqeshi weMamelodi Sundowns uRhulani Mokwena usebuye nempendulo esitatimendeni sikamqeqeshi weKaizer Chiefs -Arthur Zwane othe angeke bayihloniphe iSundowns uma sebebhekene nayo ngoMgqibelo eLoftus Stadium.

UZwane uthe iqembu lakhe alisabi ngisho nelilodwa iqembu kuDSTV Premiership.

IChiefs iyiqale kahle iligi, ishaya iMaritzburg ngo 3-0 emdlalweni wesibili. Kowokuqala, iGlamour ihlulwe iRoyal AM ngo 1-0.

ISundowns ibuya endukwini yeTS Galaxy ebashaye ngo 1-0 ekhaya ngoLwesithathu.

Womabili lamaqembu as ehleli emaphuzwini amathathu, kanti nomdlalo uzobe ubhekwe ngabomvu.

UMokwena uthi inkulumo kaZwane ikhombisa ukuthi iChiefs isishintshe indlela yokucabanga.

“IChiefs iyiqembu elikhulu, lokho angeke ngikuphike. Amaqembu amakhulu awayishintshi indlela yokudlala. Ajwayele ukumelana nezimo kodwa awashintshi ukwenza. Kuliqiniso okukhulunywa uZwane,” kubeka lomqeqeshi ekhuluma esithangamini nabezindaba.

UMokwena uthi imimoya iphezulu ngaphambi komdlalo wangempelasonto. Uthi ulindele umdlalo oshisayo.

“Umdlalo uzoba nzima. Imidlalo phakathi kwalamaqembu ivamile ukushisa. Kuyabonakala nangezintatheli ezifikile kulesithangami ukuthi lomdlalo ulindelwe ngabomvu.

Emazweni amakhulu ngokwebhola, amaqembu amakhulu yiwona athandwa kakhulu nabalandeli bawo bayaqinisekisa ukuthi bakhuluma ngawo,” kubeka lomqeqeshi.