Umgadli we-Orlando Pirates uKwame Peprah usephendule ngamahebezi amkhomba eqenjini laphesheya kwezilwandle yize esahlale isizini eyodwa kwiDSTV Premiership.
UPeprah ubeyisethenjwa kwiBucs kulesizini ephelile kwazise isikimu ubesitamuza. Ushaye amagoli ayisikhombisa iqembu lakhe liqeda endaweni yesithupha kwiligi.
Iziko labezindaba iDiskiTimes libike ukuthi uPeprah ufunwa yiqembu laseGreece.
Ekhuluma neJoySports yaseGhana, loomgadli ubeke kanje:
“Ngiwumdlali we-Orlando Pirates okwamanje, nginake engikwenza enkundleni kuphela. Imenenja yami iyona ezonaka indaba yamaqembu angifunayo. Imenenja yami izoxhumana nePirates uma kukhona iqembu elizimisele ngami.
Uma amaqembu evumelana ngemali, nami ngizodedelwa. Kodwa okwamanje ngisewumdlali wePirates,” kubeka uPeprah.
UPeprah ubeqokelwe kumklomelo womdlalo osemncane ovelele kwiPSL kulesizini kodwa wakhala ngaphansi kuLuke Fleurs.