Owayengumsakazi weGagasi FM u Penny Ntuli uthi usazohlala kwiJozi FM noma esanda kuthola elinye ithuba lokusebenza kwesinye isiteshi ngenxa yabamenzele kona kulesi siteshi.
UPenny ube sematheni ngasekuqaleni konyaka kulandela ukuveza kwezindaba zokuthi uyahlaka neGagasi FM ngenxa yomholo ophansi. Izindaba zokushiya kwakhe kulesi siteshi zaqhatha iGagasi ne-busy ezinkundleni zokuxhumana abaningi befuna ukwazi ukuthi kungani lesi siteshi siholela abasakazi abasafufusa imali engekho.
UPenny wagcina ethole umsebenzi kwiJOZI FM, okungesinye seziteshi zomphakathi ezihamba phambili kuleli ngokwabalaleli.
Ebhala ekhasini lakhe kuFacebook ngoLwesithathu ekuseni uPenny wazise abalandeli bakhe ukuthi usephindew wanyelwa yinyoni esandleni.
“Bomzala sengithole elinye ithuba esiteshini somsakazo esiholela kahle. Ngikhulume ne-CEO yeJOZI Fm uBab Njomane ngimazisa ngakho konke, kunokhuthi athi ‘hlala’, uthe ‘ngiyakuthemba ukuthi uzothatha isinqumo esifanele ngane yami.” – uma ngibuka emuva nokuthi usengibekezelele kanganani engisiza ngisazinza eGoli, engiyisa emsebenzini (yebo ngeV Class nkosi yami).
“Kukho konke, nginikezwe ithuba lokuba semsakazweni kusukela ngoMsombuluko kuya kuLwesihlanu kwiJOZI FM. Sengiwine indondo kulo msebenzi…angifuni ukugijimela lonke ibhodwe eliconsayo, ngigcine ngikhethe ukungawuthathu umsebenzi. Ngisazozinza unyaka noma iminyaka emibili kwiJOZI FM.