Sekuvele izindaba ezishaqisayo zokuthi umdlali waseBrazil obegijima kwiLyon ngesizini edlule wakhonjwa indlela kuleli qembu kulandela ukudedela isishiphi egumbini labadlali lokushintsha.
UMarcelo (34), odlala emuva, ukhonjwe indlela ngaphandle kokubekwa kwezizathu ngo-Agasti nyakanye wadayiswa ngoJanuary ngemuva kokuhlala izinyanga engalithinti.
Ngokwemibiko evela eFrance kuvela ukuthi lo mdlali ubenomkhuba wokusuza egumbini labadlali – okuyinto eyacika abaphathi beqembu njengoba lalifa yinduku ngaleso sikhathi. Kuthiwa lo mdlali wadedela isishiphi beqeda ukushaywa yi-Angers, eyiqembu elincane, ngo 3-0.
UMarcelo wawugwaza ekhaya kulo mdlalo okungenye into eyacika abaphathi sebezwa ngesigameko sakhe sokushipha, okwalandelwa ukuqhuma kohleko.
Ngaleso sikhathi umqeqeshi uPeter Bosz kwakusanezinyanga eqashiwe.
Ngesikhathi exoshwa eqenjini iLyon yaveza ukuthi uxoshelwa isigameko esenzeke egumbini labadlali lokushintsha ngaphandle kokudalula ukuthi wenzeni.
UMarcelo ngoJanuary ujoyine iBordeaux.