Yize u-Azola Matrose ethulwe njengomdlali omusha we-Orlando Pirates kulelisonto, lomdlali uzobuyiselwa kwiChippa United ngesizini ka-2022/23.
UMatrose ubesayine kwiChilli Boys ekuqaleni kwesizini ka-2021/22. Wabonwa izikhulu zeChippa edlala kwi-Engen Knockout Challenge e-Eastern Cape.
UMatrose (18) udlale umdlalo wokuqala ngoSepthemba ezakhe zibhekene neRoyal AM eChartsworth.
Yize engashayanga amagoli amaningi, uMatrose ushiye abathandi bebhola bakuleli bengawuvali umlomo. Ushaye igoli elilodwa, wakhanda elilodwa emidlalweni engu-14.
Ngokombiko weDiski Times, uMatrose uzohlala kwiChilli Boys kulesizini ezoqala.