ISouth African Football Association (SAFA)isidalule amagama abantu abathathu abazongena okhethweni lokuqoka uMengameli wenhlangano ngemuva kokugezwa kwamagama abo yikomidi lokubusa ngobuqotho.
Oyisikhulu seSAFA uTebogo Motlanthe uqinisekise lamagama esithangamini sabezindaba ebesibanjelwe eSAFA House namuhla emini.
UDanny Jordan ukhona okhethweni njengoba esafuna ukuhola iSAFA.
Kuqokwe noRia Ledwaba oseke waba yisekela likaMengameli ngaphambilini.
USolly Mohlabeng oqokwe njengoMengameli weSAFA eTshwane ngenyanga eyedlule naye ukhona okhethweni.
Bobathathu sebevumelekile ukuqala imikhankaso yokuthola amavoti njengoba ukhetho luzosingathwa ngomhlaka 25 kuJuni.