Umqeqeshi uJohn Maduka usesulile esikhundleni sokuqeqesha IRoyal AM.
UMaduka (51) ukhonjwa kwiMaritzburg United esimbeke ohlwini labaqeqeshi ebagaqele.
Lomqeqeshi ushiye iRoyal AM isendaweni yesithathu kwiDSTV Premiership kwisizini yayo yokuqala ngemuva kokuthenga isitifiketi kwiBloemfontein Celtic ekuqaleni kwesizini ka-2021/22.
Ukwenza kahle kwiRoyal kwabeka igama likaMaduka ohlwini lwabaqeqeshi abaqokelwa kumklomelo womqeqeshi ovelele kwiDSTV Premiership.
UMaduka usula nje, iMaritzburg izokwethula umqeqeshi omusha namuhla emini, abazazi kangcono bathi uyena oseqokwe njengomqeqeshi omusha weTeam of Choice.
IMaritzburg ichithe umqeqeshi u-Ernst Middendorp ngesonto eledlule, Isihlalo sikamqeqeshi asinamuntu.
IGibela Sport izamile ukuxhumana nehhovisi leRoyal AM kodwa ucingo belukhala lungabanjwa.
IMaritzburg ikhiphe isitatimende icacisa ukuthi izoqoka umqeqeshi omusha namuhla.