Umqeqeshi weKaizer Chiefs uCedric Kaze usencome abadlali baphambili uGlody Lileop no-Etiosa Ighodaro ngendlela abadlale ngayo bexebula i-AS Simba ngo 3-1 koweCAF Confederation Cup ngeSonto ntambama.
IChiefs izibekisele indawo esigabeni samaqoqo ngamagoli avalelwe yilaba badlali, nelinye elivalelwe wuZitha Kwinika. ISimba ibike nge own goal ka-Aiden McCarthy.
Ekhuluma ngemuva komdlalo uKaze uncome abadlali baphambili beChiefs ngendlela abadlale ngayo njengoba Amakhosi ebhekene nendlala yamagoli kule sizini.
“Besifuna ukuzama sithole indlela yokuhlanganisa abadlali baphambili, abakwazi ukufaka leyo pass yokugcina, abayingozi kuma set piece, futhi abakwazi ukukhahlelela ipali,” kusho uKaze ngemuva komdlalo.
“Ukuba nomdlali ofana no-Ighodaro ebhokisini kusisizile. Umgadli onamandla, oyinkinga kumabhola asemoyini…ngokunjalo nesivinini sikaLilepo.”
Lo mqeqeshi uqhube wancoma abadlali abasha u-Asenel Velebayi noLebohang Maboe ngendlela abadlale ngayo.
“Yimidlalo efana nalena esikwazi ukunikeza abadlali ithuba kuyo.”
IChiefs ngoLwesihlanu izobhekana neDurban City eMoses Mabhida Stadium ngo 19:30.