Ukaputeni weBanyana Banyana uRefiloe Jane uthi ukungena kwiNdebe yoMhlaba sebekukhohliwe, sebehlela ukudlula kwiZambia ukuze bezofinyela kowamanqamu we-African Women’s Cup of Nations (AWCON).
IBanyana ifinyelele kuma-semifinals e-AWCON ishaya ITunisia ngoLwesine ebusuku eRabat.
Ukunqoba kwiTunisia kufake iqembu likaDesiree Ellis kwiNdebe yoMhlaba ezobanjelwa e-Australia/New Zealand ngonyaka ozayo.
UJane uthi sekufanele bafeze omunye umsebenzi uma sebedlala neCopper Queens.
“Sesifinyelele esigabeni esisha njengoba singene kuma-semifinals, sifuna ukuqhubeka sinqobe lomqhudelwano. I Zambia izofika nesipiliyoni kulomdlalo njengoba idlalile kuma-Olympics ngonyaka odlule, kuzoba nzima ukudlala neZambia.
Angeke ngithi ingcindezi yehlile ngoba sisafuna ukufinyelela kowamanqamu, kufanele sehlise umoya. Kufanele siqinise umqondo, silungiselele umdlalo ngamunye,” kubeka uJane.
Umdlalo uzobanjelwa eStade Mohamed V ngehora lesikhombisa ebusuku. Uzovezwa bukhoma kuSABC 2.