Sekuvele amaqembu amathathu afuna agaqele uLuvuyo Memela ngaphambi kokuqala kwesizini ka-2022/23.
UMemela (34) uchithwe AmaZulu emasontweni amathathu adlule ngemuva lokunqaba inkontileka entsha eyayincishiswe umholo. Ubehlale amasizini amabili oSuthwini, eyisethenjwa esishaya amagoli abalulekile.
Njengoba amaqembu ematasa namalungiselelo esizini entsha ezoqala ngo-Agasti, uMemela ufunwa iTS Galaxy, Marumo Gallants, Sekhukhune United neMaritzburg United.
UBasia Michaels oyimenenja usetshele AbeSABC Sport ukuthi angeke bajahe ukuthatha isinqumo ngekusasa likaMemela.
“Kuliqiniso vele, sekuvele amaqembu amane afuna uMemela. Akhona amanye amaqembu abuzile ngaye.
Kufanele sibhekele uMemela iqembu elizomnikeza inkontileka yeminyaka emithathu ebholeni, siphinde sibheke namathuba azowathola uma eseqede ibhola. Sizwahlolisisa wonke amaqembu afuna umdlali size sineliseke,” kubeka uMichaels.