ISC Braga igcine imbolekise khona ePortugal uKobamelo Kodisang obefunwa uthuli yiKaizer Chiefs.
UKodisang (22) ubolekiswe kwiGrupo Desportivo de Chavez azodlala kuyo isizini ka-2022/23. IChavez inikezwe igunya lokusayinisa UKodisang ngokugcwele uma igculisekile ngaye ekupheleni kwesizini.
IChavez engomakoti kwiPrimeira Liga, isematasa ngokubumba isikwati ezogadla ngaso kulesizini.
UMike Makaab wakubeka kwacaca ukuthi uKodisang uzofunelwa ikhaya elisha uma iBraga ingamfaka ezinhlelweni zayo kulesizini. Waphinde waveza ukuthi izingxoxo neChiefs zabhuntsha, kwaphoqa ukuthi umdlali abhekelwe iqembu ePortugal.
Lomdlali ushaye amagoli angu-16 emidlalweni engu-55 kwiBraga B kusukela asayina esuka kwiBidvest Wits. UKodisang ugcine elitholile ijezi kwiBraga ngesizini ka-2021/22.