Inhlangano eyengamele ibhola eCameroon (CFA) isibize abadlali abangu-44 abasolwa ngokukhwabanisa omazisi, baziguqule iminyaka. Labadlali ababizelwe kulomhlangano badlalela amaqembu angu-8 aseCameroom.
Labadlali kufuneka baphelezelwe oMengameli bamaqembu ukuze kuzophenywa izinsolo ezibhekwise kubo. Uphenyo luzoqala ngomhlaka 4 kuJulayi luphele zingu-8.
Bonke labadlali basolwa ngokukhwabanisa iminyaka nomazisi babo nokuvumela bayengwe izigilamkhuba.
“Abadlali ababiziwe bayamenywa ukuba bavele phambi kwenhlangano ezoqula amacala abo,” kubhalwe esitatimendeni.
Isitatimende siqinisekise ukuthi labo abaphumeleli ukuvela bazojeziswa.
UMengameli weCFA uSamuel Eto’o wathembisa ukuguqula ibhola eCameroon ngesikhathi eqokelwa esikhundleni ngoDisemba.