Umqeqeshi weKaizer Chiefs uNasreddine Nabi uthi ezakhe zizofunda kumaphutha eziwenze eBloemfontein emdlalweni neYoung Africans ophele ngesibhaxu sika 4-0.
UNabi uqalise abadlali abasebasha kulo mdlalo njengoba bekukhona oMfundo Vilakazi, Mduduzi Shabalala, Samkelo Zwane, noNkosana Mbuthu kubadlali abaqale umdlalo.
“Ngicela ukuqala ngokubongela iYoung Africans ngendlela abadlale ngayo. Iqembu lethu ligcwele abadlali abasakhula, abazofunda kumaphutha abo. Kuningi abakufundile namhlanje,” kusho uNabi ngemuva komdlalo.
“UMfundo usewumfana omncane kodwa usazokhula abe wumdlali obalulekile. Njengamanje asinayo ileft back, siphoqelekile ukuthi sidlalise umdlali osemncane nakhona. Kujwayelekile ukudliwa emdlalweni yobungani. Bengingeke ngimkhiphe ngenxa yephutha elilodwa ngoba ngiyamkhulisa, ngakho ngibone kubalulekile ukuthi ngimvikele.
“Ngiphoxekile ngokudliwa kodwa bekuwumdlalo wobungani. Sizofunda emaphutheni ethu sakhe iqembu eliqinile. Noma sidliwe, sizokwakhe phezu kokuhle esikubonile/.