USihlalo weMotsepe Foundation uPatrice Motsepe useqinisikise ukunyiswa kwemali ezotholwa oshampeni kumaPlay-Offs e-ABC Motsepe League kusukela ngesizini ezayo.
Oshampeni sebezokhala bamuke nesamba sika-R3 million.
UMotsepe ubekhuluma e-Olen Park ngemuva komdlalo wamanqamu weMotsepe League obuphakathi kweMM Platinum neMagesi.
UMotsepe uthi lemali izonyuswa ngesizathu sokuthi amaqembu adlala kumaPlay-Offs abhekana nezingqinamba eziningi.
UMengameli weCAF uthe kubalulekile ukuqinisekisa ukuthi wonke amazinga ebhola kuleli ayaluthola uxhaso. Uveze nokuthi ukuqala ubudlelwano nebhola kezikole kungasiza kuthuthukise ibhola eNingizimu Afrika.
“Sizonyusa imali etholwa oshampeni ngoba bathola u-R1 million, manje sebezothola u-R3 million. Sizosebenzisana ukuze siqinisekise ukuxhaswa kwamazinga ahlukene ezindaweni ezisemakhaya, silekelele nabaqeqeshi.
Kuyaphoqa ukuthi silamanise ibhola lama-amesha nelezikole. Lokho kuzosiza sithuthukise abadlali abasezingeni abazodlala kwiPremier Soccer League neNational First Division,” kuchaza uMotsepe.