I-Orlando Pirates isiqinisekise ukushiya kwabadlali ababili uLinda Mntambo noNtsikelelo Nyauza.

UMntambo uzojoyina iSekhukhune United, uNyauza ukhukuliwe kwinkontileka yakhe ngemuva kwezingxoxo neqembu.

“I-Orlando Pirates isingaqinisekisa ukushiya kukaNtsikelelo Nyauza ngemuva kwezingxoxo phakathi komdlali neqembu.

UNyauza (32) ubeyinsika odongeni lweBucs kusukela ayijoyina ngo-2013. UNyauza ulandela ngemuva kuHappu Jele kwirekhodi lemidlalo eminingi eqenjini. Udlale imidlalo engu-192, washaya amagoli ayisikhombisa, wakhanda amane,” kubhalwe esitatimendeni.

Isibalo sabadlali abachithwe kwiBucs sinyukele ku-8.

Iqembu selisayinise abadlali abayisithupha okunguMiguel Timm, Tapelo Xoki, Evidence Makgopa, Azola Matrose, Nkosinathi Sibisi noBienvenu Eva Nga.