Umqeqeshi weBanyana Banyana uDesiree Ellis uzomemezela isikwati esiwujuqu azohamba naso eMorocco kumqhudelwano we-African Women’s Cup of Nations (AWCON) ngoMsombuluko.

IBanyana ibambe ikhempu eGoli ngenhloso yokuqoka isikwati ezogasela ngaso eMorocco.

Indawo ebhekwe ngabomvu esikwatini sika-Ellis eyabagadli kwazise kugcwele ubisi lwabadlali kuyo.

U-Ellis usebakhiphile abadlali abahlanu esikwatini sakhe, uGabriela Salgado wahoxiswa ngenxa yokulimala.

IBanyana iqhathwe neBurundi, Botswana neNigeria kuGroup C we-AWCON 2022.