IMarumo Gallants isixoshe umqeqeshi uDan Malesela nosomaqhinga uMolefi Ntseki ngemuva kokuphikwa yimphumela kwiBetway Premiership.
IGallants ilengela ezembeni esigabeni esikhulu sePSL, osekwenze abaphathi beqembu bathathe isinqumo sokushintsha izinto njengoba isisalelwe yimidlalo ewu-13 kule sizini.
Ngokwesitatimende esishicilelwe namhlanje ekuseni emakhasini eGallants, uSundra Govender noDuncan Lechese, abebengamaphini kaMalesela, bazobamba izintambo zokuqeqesha iqembu kuze kuqashwe umqeqeshi omusha.
Okwamanje akukacaci ukuthi iGallants ixoxisana nobani kodwa kubaqeqeshi abanamava abathungatha umsebenzi kukhona uManqoba Mngqithi no-Eric Tinkler. Igama lika-Abdeslam Ouaddou, owayengumqeqeshi we-AS Vita nalo liyabalwa.
Emdlalweni odlule iGallants ivithizwe yiMamelodi Sundowns ngo 3-1.
NgeSonto izobhekana nePolokwane City.