Ibhantshi seligcwale Umoya kumqeqeshi weMaritzburg United u-Ernst Middendorp. Kuvela ukuthi izikhulu zeqembu noMiddendorp bavumelene ngalesinqumo.
Isinqumo sokuxosha uMiddendorp siyathusa kakhulu kwazise usindise iTeam of Choice ezembeni enesikwati esintekenteke, esigcwele amakhehla.
IMaritzburg ichithe abadlali abayisikhombisa ngesonto eledlule, okuyinkomba yokuthi babumba iqembu kabusha ngaphambi kokuqala kwesizini ka-2022/23.
IGibela Sport isithole ukuthi iMaritzburg ifuna ukuqasha umqeqeshi wakuleli yize sebekhona abaphesheya abazimisele ngokuthatha izintambo.
Lezindaba zizovuthela amahebezi abhungwa kwabezindaba aveza ukuthi leliqembu lihlela ukubuyisa owayengumqeqeshi ngaphambilini uFadlu Davids.