IGolden Arrows isilindele umdlalo weSuperSport United ne-Orlando ngomhlaka 30 kuMeyi ukuze izoqinisekisa indawo yayo kwiTop 8.
I-Arrows inyukele kunombolo 8 kwiDSTV Premiership ngemuva kokushaya AmaZulu ngo 2-1 eMoses Mabhida Stadium ngoLwesibili.
Iphenathi kaNduduzo Sibiya sekuzophela umdlalo inikeze Abafana Bes’thende amaphuzu amathathu, banyukela emaphuzwini angu-40.
Sekuyaphoqa ukuthi AmaTsatsantsa athole amaphuzu agcwele kwiBucs uma esafuna ukungena kwiTop 8. ISuperSport ayikaze iqede ngaphandle kweTop 8 selokhu kwathi nhlo.
Bekuqala ngqa ukuthi AmaZulu ahlulwe selokhu kwaqashwa uBrandon Truter njengomqeqeshi ngoMashi.
Umqeqeshi osabambile kwi-Arrows uVusumuzi Vilakazi uchazekile ngomphumela, wancoma abadlali ngokuzinikela ngoLwesibili.
“Siwuqale kahle umdlalo, yilokho okungijabulisayo. Abadlali ngibachazelile ukuthi a siqale umdlalo ngenothi eliphezulu.
Besikhathele esiwombeni sekuzoyiwa ekhefini. Abadlali ngibatshelile ukuthi abalungise amaphutha. Benghazi ukuthi sizowina uma singaqinisa kulomdlalo. Bekufanele sizikhandle ngokuphindiwe ukuze siwine,” kusho uVilakazi ekhuluma nabeSupersport TV.