ISAFA isiphendulile ngokubhuntsha kwesicelo sikaRia Ledwaba obefuna ukumisa ukhetho lokuqoka uMengameli omusha.
INkantolo eNkulu yasePitoli isichithile isicelo sikaLedwaba
Ijaji uBrenda Neukircher uthe isicelo sikaLedwaba asiphuthumi.
“ISouth African Football Association (SAFA) iyasamukela isinqumo seNkantolo eNkulu yasePitoli echithe isicelo sikaLedwaba obefuna ukumisa ukhetho lokuqoka uMengameli wenhlangano omusha ngomhlaka 25 kuJuni,” kubhalwe esitatimendeni seSAFA.
Oyisikhulu seSAFA uTebogo Motlanthe uthe bayasijabulela isinqumo seNkantolo.
“ISAFA iyasamukela isinqumo seNkantolo eNkulu yasePitoli echithe isicelo sikaRia Ledwaba. Inhlangano izoqhubeka namalungiselelo okhetho oluzobanjwa ngomhlaka 25 Juni, siyajabula ngesinqumo,” kubeka uMotlanthe.