ISwallows FC iphunyuke ezembeni ishaya AmaTuks ngo 1-0 kumaPlay-Offs eLucas Moripe Stadium namuhla.
Lomphumela uqinisekise ukubuya kweSwallows kwiDSTV Premiership ngesizini ka-2022/23. Amaphuzu amathathu abeke iziNyoni esicongweni, zashiya AmaTuks ngamaphuzu amabili emuva.
Umdlalo uqale AmaTuks ehleli esicongweni, edinga iphuzu elilodwa ukuze ezokhuphukela esigabeni esiphezulu.
ISwallows ibihlaselwe isifo esaziwayo sokugeja oqekelele bamathuba. UMwape Musonda ugeje igoli elilula esiwombeni sokuqala, kanti noSibiya ungqofele eceleni ethola ithuba.
UKagiso Malinga naye ushaye eceleni esebhekene nonozinti ngomzuzu ka-39.
Nawo AmaTuks abegeja kulomdlalo njengoba uGospower Ighuodalo ehluleke ukushaya igoli.
ISwallows ihambe phambili ngegoli likaYagan Sasman ngomzuzu ka-61.
Yize womabili amaqembu eqhubekile nokuhlasela, alibange lisangena igoli.