ISwallows FC isivumelene neStellenbosch ngokuyidayisela isitobha uFawaaz Basadien.

ISABC Sport ibike ukuthi uBasadien uzosayina inkontileka yeminyaka emibili, ajoyine ozakwabo ekhempini ezinsukwini ezilandelayo.

UBasadien udlale imidlalo engu-18 kuyona yonke imiqhudelwano ngesizini edlule. ISwallows neStellies baqale izingxoxo ezinsukwini ezedlule, sekushoda isimemezelo esivela eqenjini laseCape Winelands.

IStellies siqinisa iqembu ngemuva kokudayisa uZitha Kwinika no-Ashley Du Preez kwiKaizer Chiefs ngemali elinganiselwa ku-R13 million.

IStellies sesisayinise uLasse Sobiech, Nhlanhla Mgaga, Vusi Sibiya, Sinethemba Mngomezulu, Sihle Nduli noWilliam Likuta.

Imenenja yalomdlali uBasia Michaels uvumile ukuthi lamaqembu asezoqeda ngezingxoxo kungekudala.

“Womabili amaqembu asekhulumile ngomdlali. Sesiqedela imininingwane embalwa kodwa sekusele isimemezelo kwiStellies,” kubeka uMichaels.

ISwallows isisayinise uLindokuhle Mtshali, Waseem Isaacs no Keagan Allan.

Abadlali beKaizer Chiefs uDarrel Matsheke noLebogang Sefako bajima neSwallows. Kungenzeka babolekiswe kwiDube Birds.