Ukujabha bekubhalwe ebusweni kubadlali beSwallows ngemuva kokushaywa yiCape Town All Stars ngo 2-1 kumaPlay-Offs namuhla.
Lomphumela ubeke iSwallows engcupheni yokubuyela kwiGladAfrica Championship njengoba isisele ngemuva ngephuzu elilodwa kwi-University of Pretoria (TUKS). ISwallows inamaphuzu amane, amaTuks aqhwakele esicongweni ngamaphuzu amahlanu.
ISwallows ishaye igoli lokuqala emdlalweni, okube yishodi likaGrant Magerman obengaphandle kwebhokisi. IGugu Lekapa libuye ngamandla sekusele imizuzu elishumi lashaya amagoli amabili sekuvalwe amehlo.
ISwallows isinomqansa wokushaya iTuks ngoLwesithathu ukuze izobuya kwiDSTV Premiership ngesizini ka-2022/23.
AmaTuks asedinga iphuzu elilodwa emdlalweni weSwallows ukuze ezobuya kwiDSTV Premiership.