ISekhukhune United isiyela emaphethelweni ngokuqedela ukusayinisa uLinda Mntambo, Bonginkosi Makume noTshegofatso Mabasa ezinsukwini ezilandelayo.
Ngokwemithombo ekhulume neGibela Sport, uMntambo uzojoyina ngokugcwele ezovala isikhala sikaYusuf Maart osejoyine iKaizer Chiefs.
UMabasa, obeqiwa yijezi kwi-Orlando Pirates ngesizini ephelile, ubolekiswa kuyo iBabina Noko kwazise iBucs isisayinise u-Evidence Makgopa noBienvenu Eva Nga.
UMakume ufunwa inqwaba yamaqembu kwiDSTV Premiership kusukela iBaroka yadliwa yizembe. IBabina Noko ihamba phambili kweMaritzburg naMaZulu emjahweni kaMakume.