ISekhukhune United isivumelene neCape Town Spurs ngokusayinisa umgadli u-Abednego Mosiatlhaga.
UMosiatlhaga (27) usenesikhathi eside emataniswa namaqembu akuDSTV Premiership kwazise usenedumela lokuqhulula amagoli kwiGladAfrica Championship. Useke wadlalela neStellenbosch FC wasifaka kwiPSL ngaphambi kokuthi achithwe.
IBabina Noko imsayinisa vele inkontileka yakhe iyaphela ngomhlaka 30 Juni 2022. Usezodlala noDenwin Farmer osayiniswe ngesonto eledlule. Unozinti uDaniel Akpeyi naye ubheke kwiSekhukhune.
Ngesizini ka-2022/21, Iomgadli wabe ngumshayimagoli ohamba phambili kwiGladAfrica neCape Town Spurs. Useke wabhekana nesambane ezinyangeni ezingu-12 ezedlule njengoba sekujwayelekile ukuthi izindlela zakhe zibhuntshe.
ISekhukhune izochitha inqwaba yabadlali ngesonto elizayo njengoba isiqala ukubumba iqembu langesizini ka-2022/23.
Izophinde imemezele umqeqeshi omusha okulindelwe ukuthi kube uKaitano Tembo.