ISouth African Football Association (SAFA) isimemezele ukuthi izobamba isithangami sabezindaba noway engumqeqeshi weBafana Bafana uPitso Mosimane ngoLwesine emini.

Isithangami sabezindaba sizophathwa uMengameli weSAFA uDanny Jordaan eSAFA House ngehora leshumi nambili (12:30) emini.

UPitso usaqhubeka nezinhlelo zokuvula isikole sakhe iPitso Mosimane Soccer Schools. Kubukeka sengathi iSAFA izofaka isandla kwiSoccer Schools kaPitso njengoba sebehlele nenkomfa nalomqeqeshi ohlonishwayo e-Afrika.

UPitso akanalo iqembu kusukela ashiya kwi-Al Ahly ezinyangeni ezimbili ezedlule.

Ushiye eGibhithe esenqobe iCAF Champions League kabili, iCAF Super Cup, Egypt Super Cup kanye ngezindondo zethu so ezimbili kwiFIFA Club World Cup.

UPitso usaqhubeka nomsebenzi wakhe weCoaching Masterclass Series ehambisana nethimba asebenzisana nalo neMT Sports. Uqale ukusebenza neRoyal AM, ngaphambi kokumenywa njengesivakashi esiqavile kwiYoung Africans Sports Club yaseTanzania.