IParis Saint-Germain isiqoke ukumisa emsebenzini umqeqeshi weqembu labesifazane uDidier Ollie-Nicolle osolwa ngokungaziphathi kahle kubadlali.
Iqembu litho lisayiphenya indaba yalomqeqeshi. U-Olle Nicolle uthathe izintambo ekupheleni kwesizini edlule iPSG inqoba iligi.
IPSG ihleli endaweni yesibili kulesizini, inejoka lokushaya izimbangi iLyon ngeSonto ukuze izobe sethubeni lokuvikela isicoco sayo.
Izinhlelo zalowomdlalo seziphazanyiswe izinsolo ezibhekiswe kumqeqeshi ezingahambisani nendlela yokuziphatha kwiParis Saint-Germain.
Isitatimende sePSG sifundeka kanje.
“I Paris-Saint Germain ithole ulwazi ngokungaziphathi kahle nezinkulumo ezimbi ezibhekiswe kubadlali besifazane. Lamaqiniso nezitatimende, uma kuqinisekiswe, zizobe zingahambisani nendlela yokuziphatha kwiParis-Saint Germain.
IParis-Saint Germain iyithathela phezulu lendaba, sifuna ukuveza amaqiniso kulezinsolo nezinkulumo ezibike eqenjini.
Ngokomcabango wokuvikela abaxhasi nabobonke abasondelene nePSG, sibone kungcono ukuthi simise emsebenzini umqeqeshi weqembu labesifazane.
Okwamanje sizama ukunqanda isimo. Asikho isinqumo esesikhishiwe esiwujuqu esiqondene nophenyo esilwenzayo.”