ISouth African Broadcasting Commission (SABC) isiqinisekise ukuthi izosakaza bukhoma kumabonakude imidlalo ye-English Premier League (EPL) kusukela ekuqaleni kwesizini ka-2022/23.
Ukusakazwa kwemidlalo yePremier League kufana nephupho kubantu baseNingizimu Afrika abangenawo amaDSTV ukuze bezobukela leligi. ISABC ivele iphethe namalungelo okusakaza imidlalo yeBundesliga.
Ukusayina kwesivumelwano kuyindlela ekhanyayo kwiSABC Sport eqhubekayo nohlelo lweDigital Terrestrial Television (DTT) ephinde itholakale kwiTelkom One Application.
“IPremier League ikhuza ibuya kuSABC Sport. Imidlalo izokhonjiswa bukhoma njalo ngoMgqibelo ntambama kuSABC 3 nakwamanye ama-channels ezemidlalo njengoba senza kweminye imidlalo.
Iligi ehamba phambili emhlabeni jikelele izovezwa kuSABC 3. Imidlalo izokhonjiswa bukhoma ngehora lesithathu ngoMgqibelo, IPremier League izosikhethela umdlalo ozokhonjiswa,” kubeka uGary Rathbone oyinhloko yeSABC Sport ekhuluma ngoMsombuluko kuSoccerZone.