Kunikeze abalandeli be-Orlando Pirates ithemba ukubona ezabo zigxoba iSevilla ngo 2-0 emdlalweni wobungani wokulungiselela isizini ka-2024/25.
Luhamba kahle uhambo lweZimnyama eSpain njengoba umphumela wayizolo usho ukuthi sezivalele amagoli amane emdlalweni emibili, okuyinto enhle kwiPSL njengoba amaqembu amaningi ethwala kanzima phambi kwepali.
NgoMsombuluko umqeqeshi weBucs uJose Riveiro wenze izinguquko eziyisithupha eqenjini eliqale umdlalo nePlymouth Argyle.
Ufake uSandile Mthethwa, Miguel Timm, Deon Hotto, Thalente Mbatha, Karim Kimvuidi noTshegofatso Mabasa.
UMiguel Timm ushaye igoli lokuqala ngemuva kwemizuzu ewu-20 uqalile umdlalo evalela ibhola elihle alifakelwe wuRelebohile Mofokeng kwi-corner.
ISevilla izamile ukubuya kulo mdlalo kodwa bezibukeka zindala zombili njengoba omabili amaqembu ethole amathuba okuvalela igoli esiwombeni sesibili. USaleng uyeke amathuba amabili amahle okukora.
UKabelo Dlamini uvalele igoli lesibili lePirates eneka unozinti weSevilla engaphandle kwebhokisi.