IMarumo Gallants izoqinisekisa indawo yayo kumaplayoffs eConfederations Cup ngesizini ezayo uma iMamelodi Sundowns ihlula iRoyal AM kwi-semifinal yeNedbank Cup namuhla.

ISundowns izobuyela kwiCAF Champions League njengoba isiyinqobile iligi kulesizini.

Uma kwenzeka iSundowns ihlulwa namuhla, iMarumo izomincela ukuthi iRoyal AM iphume isibili kwiligi ukuze izodlulela esigabeni semidlalo yokuhlungela iCAF Champions League.

Noma iRoyal AM ingaqeda endaweni yesithathu kwiligi, sizovuleka isikhala seMarumo kwiConfed Cup njengoba kuhamba amaqembu amabili eNingizimu Afrika.

Leliqembu lithele phansi iTTM izolo ukuze lifinyelele kowamanqamu.