IFCSB edlalelwa wuSiyabonga Ngezana ikhishwe ngesibhaxu sika 4-0 kwi-Europa League ngoLwesine, okuhlanganise i-aggregate ka 7-1 emdlalweni wabo neLyon yaseFrance.
UNgezane kufanele azishaye isifuba ngokufinyelela kwiRound of 16 kulo mqhudelwano, okwenze wanakwa amanye amaqembu amakhulu kuneFCSB e-Europe.
Iqembu likaNgezana empeleni lalisethubeni lokudlala kwi-UEFA Champions League kodwa kwangahamba kahle emidlalweni yokuyihlungela, lagcina liqathakele kwi-Europa.
Esigabeni samaqoqo kulo mqhudelwano baqede kunombolo 11, badlala kuma-playoff okudlulela kwiRound of 16, bazibekisela indawo ngokushaya iPAOK FC yaseGreece ngo 4-1.
Nokhu kufike kwanzima sebebhekene neqembu elidlala kuLigue 1 iLyon eligcine libakhiphe nge aggregate ka 7-1.
Isizini kaNgezana isangaqhubeka iphele kahle nokho njengoba beselthubeni elihle lokuvikela isicoco seRomanian League njengoba beqede esicongweni ngaphambi kokuqala kwemidlalo yeChampionshio ehlanganisa amaqembu akwi-top 6. Iqembu ngalinye lizodlala imidlalo ewu-10, ozoqeda esicongweni uzodla isicoco seligi.