Umehluleli wePSL uZola Majavu usekhiphe isinqumo odabeni lweCape Town All Stars esolwa ngokuhluleka ukuziphatha ngendlela efanele emdlalweni wamaPlay-Offs.
ICT All Stars ibisolwa ngokuhlukumeza unompempe ngemuva komdlalo wamaPlay-Offs ihlulwa I-University of Pretoria.
Abadlali abane beqembu nomlolongi wonozinti bazifikela mathupha kunompempe, besho ukumqeda ngenduku. Babemhhewula ngoba bemsola ngokubadlisela.
Abasolwa bavele phambi kwekomidi eliqondisa izigwegwe. Yize beliphikile icala, ikomidi libashaye ngoswazi ngoba libathole benecala.
IGugu Lekapa lihlawuliswe u-R100 000, abasolwa bahlawuliswa u-R20 000 kanye nesigwebo semidlalo emibili bengadlali.
Uhhafu wenhlawulo uxegisiwe ngesizathu sokuthi abaliphindi icala elifana naleli ezinyangeni ezingu-12.