IKaizer Chiefs isibuyele kwiSekhukhune United nemali eyengeziwe ngenhloso yokuthenga uYusuf Maart emfuna uthuli.
IChiefs izothola impendulo ecacile ezinsukwini ezilandelayo.
ISekhukhune icele u-R10 million ngoMaart ongukaputeni weqembu. IGlamour Boys ibibeke imali engaphansi kuka-R10 million emasontweni adlule.
Ngokolwazi olutholwe IGibela Sport, imali ebekwe iChiefs ingaphansi kancane emalini efunwa iSekhukhune.
Kuvela ukuthi makhulu amathuba okuthi iBabina Noko iyivume lemali mjengoba ilingana nesamba ababesifuna ngaphambilini singakanyukeli ku-R10 million.
UMaart usekhempini yeBafana Bafana okwamanje elungiselela ukubhekana neMorocco emdlalweni wokuhlungela i-AFCON 2023. Kungenzeka abuye eMorocco eseneqembu elisha njengoba iSekhukhune ibambe izingxoxo nezesheli zakhe.