IKaizer Chiefs incenge iSekhukhune United yaze yavuma ukudedela ukaputeni uYusuf Maart ngemali engaphansi kuka-R10 million ebiwufuna.
IGlamour Boys igcine ikhokhe uhhafu wemali ebicelwe iSekhukhune.
Isitatimende seChiefs esiqinisekisa ukusayina kukaMaart besifundeka kanje:
“UYusuf Moegamat Maart usayine inkontileka yeminyaka emithathu, enombandela wokwelulwa ngeminyaka emibili.
UMaart usayiniswe kwiSekhukhune FC adlale kuyo amasizini amabili kwiGladAfrica Championship nakwiDSTV Premiership. UMaart udlale imidlalo engu-29 ngesizini ephelile, washaya amagoli amathathu kwiBabina Noko.
Ukuzimisela kukaMaart kufake esikwatini seBafana Bafana asedlale kuyo imidlalo engu-9 kusukela ngonyaka ka-2021 kuya ku-2022. UMaart uzoqala ukujima neqembu kulelisonto.”
IChiefs igcine ikhokhe u-R5 million okuyimali ezokhokhwa ngezingxenye ezimbili.