I-Orlando Pirates isikhuphukele ohlwini lwamaqembu ahamba phambili e-Afrika ngemuva kokufinyelela kowamanqamu weCAF Confederations Cup kulesizini.

Yize iBucs ishaywe iRS Berkane sekukhahlelwa amaphenathi, ukungena kowamanqamu kuyinyusele endaweni yeshumi, yahlala ngokulingana ne-Etoile Du Sahel.

Izibalo zenziwa ngokohlelo lweCAF lweminyaka emihlanu uma kubhekwa ukuzimisela kweqembu kumqhudelwano weCAF. IBucs inyuke izindawo ezingu-12, ize izohlala endaweni yeshumi.

IBerkane, enqobe iConfed Cup ihlandla lesibili kumasizini amathathu, isuke kunombolo 8 yazohlala endaweni yesihlanu.

IPetro de Luanda, ekhishwe kuma-semifinals eChampions League kulesizini, igxume izindawo ezingu-13, yazohlala kunombolo 12. IMamelodi Sundowns ayehlanga endaweni yesithupha.

I-Esperance yehlele endaweni yesithathu isuka ngezansi kwasesicongweni esihleli i-Al Ahly.

  1. Al Ahly SC (Egypt)
  2. Wydad Club Athletic (Morocco)
  3. Esperance de Tunis (Tunisia)
  4. Raja Club Athletic (Morocco)
  5. RS Berkane (Morocco)
  6. Mamelodi Sundowns (South Africa)
  7. TP Mazembe (DR Congo)
  8. Zamalek SC (Egypt)
  9. Pyramids FC (Egypt)
  10. Etoile Du Sahel (Tunisia)
  11. Orlando Pirates (South Africa)
  12. Horoya Athletic Club (Guinea)
  13. Petro de Luanda (Angola)